Македонија | Работнички ако ја надмине негативата од еден гол во дуелот со Јелгава за противник во третото квалификациско коло од ЛЕ ќе се сретне со подобриот од Трабзонспор и Диферданж...



Клубот од Дебар Маало го дозна можниот противник во третото квалификациско коло од најмасовното европско натпреварување.
 
Ждрепката во Нион попладнево го вкрсти Работнички со подобриот од дуелот помеѓу Трабзонспор и Диферданж.
 
Клубот од Турција е голем фаворит, но на првиот натпревар, вчера пред своите навивачи забележа само минимална победа од 1-0.
 
За пласман понатаму, освојувачот на Купот на Македонија следната недела во Скопје ќе треба да надополни негатива од еден гол, откако вчера несреќно загуби на гостувањето во Летонија.
 
Работнички доминираше на натпреварот, но домаќините со првиот удар кон голот стигнаа до победа од 1-0.

Извор: 24FUDBAL.com.mk