Италија | Генералниот извршен директор на Милан, Адриано Глијани вели дека ангажман на Златан Ибрахимовиќ останува опција, но од комбинација отпаѓа Аксел Витсел...



’Росоњерите’ сакаат да го вратат Ибракадабра на Сан Сиро, веќе се имаат договорено со напаѓачот, но ПСЖ во овој момент не сака да се откаже од услугите на репрезентативецот на Шведска.
 
Сепак, се може да се случи до крајот на преодниот рок, особено ако на Паркот на Принцовите пристигне некое звучно име, па Милан е подготвен да почека.
 
„Ќе почекаме да видиме што ќе се случи. Ибра е единствениот со дозвола за убиство” – вели Адриано Галијани.
 
Медиумите го поврзуваат Милан и со ангажман на Аксел Витсел од Зенит, но генералниот извршен директор на ’Црвено-црните’ додава дека Белгијанецот повеќе не е на нивната агенда.
 
„Нема да го ангажираме Витсел. Единствена цел е ангажман на централен дефанзивец”.
 
Алесио Ромањоли од Рома е примарна цел, последната понуда изнесуваше 25 милиони евра, но ’Римската Волчица’ го одби и овој предлог.

Извор: 24FUDBAL.com.mk