Италија | Матео Ковачиќ не знае ништо за понудата на Ливерпул и инсистира дека сака да остане на Џузепе Меаца...



Подолго време се говори дека репрезентативецот на ’Коцкастите’ е трансфер цел на Ливерпул, весниците пишуваа дека ’Црвените’ се подготвени да платат 30 милиони евра.
 
Но во разговор со La Gazzetta dello Sport, играчот вели дека ќе остане во Интер.
 
„Треба да го прашате Интер дали пристигнала понуда од Ливерпул, но клубот никогаш не ми кажа дека сум ставен на продажба” – вели Ковачиќ. „Никогаш”
 
„Ќе останам тука, нема да заминам. Ова го посакував, и токму тоа го покажува новиот договор со трајност до 2019. Ќе останам долги години во Интер”.
 
„Сакам да победувам во дресот на ’Нероаѕурите’. Интер е голем клуб како Барса и Реал”.
 
Запрашан дали може да го замени Рахим Стерлинг на Енфилд, Хрватот вели: „Ние сме двајца различни играчи, играме на различни позиции”.
 
„Не сум јас тој што треба да каже дали пристигнала понуда од Ливерпул, тоа е работа на мојот агент”.
 
„Јас само ќе повторам уште еднаш, сакам да останам тука”.

Извор: 24FUDBAL.com.mk