Италија | Медиумите го поврзуваат Златан Ибрахимовиќ со сензационално враќање на Џузепе Меаца, но Интер не може да си го дозволи Швеѓанецот...



Минатата недела, Corriere dello Sport пренесе дека ’Нероаѕурите’ се приклучуваат во трката за Златан Ибрахимовиќ, и планираат да му ги поматат сметките на лутиот градски ривал, Милан.
 
Сепак, според спортскиот директор на Интер, Пјеро Аусилио нема вистина во ваквите стории.
 
Швеѓанецот во овој момент е прескап за ’Нероаѕурите’, популарниот Ибракадабра не се вклопува во проектот.
 
„Сите добро знаеме кој е Златан, но во овој момент, од економска гледна точка тој не се вклопува во проектот” – вели Аусилио.
 
„Секогаш ќе го паметиме како одличен фудбалер кој испиша историја со Интер, но мислам дека во овој момент нема место тој да биде дел од нашиот проект”.
 
Медиумите шпекулираат дека на радарот на Интер се и Мохамед Салах, Иван Перишиќ и Стеван Јоветиќ, а Аусилио потврди дека работата на овие зделки.
 
„Да, ова се имињата”.

Извор: 24FUDBAL.com.mk