Англија | ’Црвените Ѓаволи’ попладнево ги комплетираа трансферите на Морган Шнајдерлин од Саутемптон и Бастијан Швајнштајгер од Баерн Минхен...



Изминатиов викенд Манчестер јунајтед ги договори зделките, а откако беа комплетирани сите формалности, ’Црвените Ѓаволи’ попладнево ги потврдија двата трансфери.
 
„Манчестер јунајтед е задоволен што може да соошто дека го ангажираше Морган Шнајдерлин од Саутемптон”- гласеше известувањето.
 
„Морган стави потпис на четири годишен договор со опција за уште една додатна”.
 
За новата авантура, Французинот рече: „Среќен сум што потпишав за Манчестер Јунајтед. Кога дознав дека имам понуда од ’Црвените Ѓаволи’, одлуката беше лесна”.
 
„Шансата да се биде дел од овој состав, и да му помогнам на овој голем клуб да се врати на шампионските патеки е предобра за да се пропушти”.
 
Неколку минути подоцна, клубот од Олд Трафорд го потврди и трансферот на Швајни.
 
„Манчестер јунајтед е задоволен што може да соопшти дека Бастијан Швајнштајгер го коплетираше трансферот” – гласеше новото известувањето.
 
„Бастијан стави потпис на три годишен договор”.
 
За преселбата на Олд Трафорд, Германецот рече: „Уживав во времето поминато во Баерн Минхен, тоа беше извонредно патување, па воопшто не ми беше лесно да ја донесам оваа одлука”.
 
„Манчестер јунајтед е единствениот клуб поради кој ќе заминев од Минхен”.
 
„Се чувствувам подготвен за овој нов и возбудлив предизвик. Со нетрпение чекам одново да соработувам со Луј ван Гал”.
 
„Никогаш нема да го заборавам времето поминато во Баерн Минхен па сакам да им се заблагодарам на сите во клубот и фановите за одличните спомени”.

Извор: 24FUDBAL.com.mk