Италија | Македонскиот најдобар фудбалер, Горан Пандев денеска беше презентиран пред италијанските медиуми како ново засилување на Џенова...



По неуспешната авантура во Турција, Горан Пандев се враќа во Италија, вели дека е среќен поради тоа и подготвен да и помогне на Џенова за уште една успешна сезона.
 
„Среќен сум што доаѓам во Џенова. Се надевам дека ќе можам да им дадам големо задоволство на нашите фанови и да им помогнам на соиграчите да оствариме добри резултати" - изјави Пандев на денешната прес конференција.
 
„Играта на Гасперини е спектакуларна, па ќе биде забавно. Се надеваме дека ќе ја повториме уште една успешна сезона како што беше минатата".
 
„Италија е мојот втор дом. Првенството е многу тешко, составено од силни тимови".
 
Македонскиот фудбалер во Џенова ќе го носи дресот со број 21.
 
„Го одбрав бројот 21 поради мојот син кој е роден на овој датум. Се надевам дека ќе ми донесе среќа".

Извор: 24FUDBAL.com.mk