Италија | Медиумите од Италија пренесуваат дека Интер одново се обидува да му ги помати сметките на Милан, ’Нероаѕурите’ се приклучуваат во трката за потписот на Златан Ибрахимовиќ...



’Росоњерите’ со месеци работат на ангажман на Златан Ибрахимовиќ, но одново можат да останат со празни раце како во случајот со Жофри Кондгобија.
 
Денешното издание на Corriere dello Sport го смести Швеѓанецот на насловната страна, и пренесува дека во трката за потписот на напаѓачот се приклучува и Интер.

 
’Нероаѕурите’ сакаат да се вратат на шампионските патеки, и Роберто Манчини верува дека Златан Ибрахимовиќ ќе биде од голема помош.
 
Corriere dello Sport пишува дека ваквата идеа на тренерот целосна поддршка ужива и од сопственикот Ерик Тохир.
 
Бизнисменот од Индонезија е убеден дека враќањето на популарниот ’Ибракадабра’ ќе придонесе Интер да стане сериозен конкурент за Скудетото.

Извор: 24FUDBAL.com.mk