МЕНИ

Македонија | Македонскиот шампион, Вардар со реален оптимизам влегува во пресметките против АПОЕЛ од квалификациите во Лигата на шампионите...

Вардар во недела заминува во Кипар каде што на 14. јули ќе го одигра првиот натпревар со АПОЕЛ од квалификациите за Лигата на шампионите.

Шефот на стручниот штаб, Сергеј Андреев е задоволен од подготовките и смета дека неговиот тим е подготвен за борба со фаворизираниот противник.

„Многу сум задоволен од сработеното на подготовките, мислам дека сме подготвени 90% бидејќи е невозможно за четири недели да се биде 100% подготвен. Задоволен сум од новите засилувања кои дојдоа во клубот, дел од нив ќе бидат во стартниот тим" - вели Андреев на денешната прес конференција.

Првиот помошник на Андреев, Александар Васоски сака Вардар да го повтори успехот од пред 10 години кога црвено-црните ја елиминираа ЦСКА Москва, а беа на праг до победа и против Спарта Прага.

„Ги следевме пријателските натпревари на АПОЕЛ во живо, на еден бев јас, на друг беше Андреев, можам да кажам дека шансите се 50-50. Веруваме дека можеме да го минеме кипарскиот тим. Направивме добра анализа и подготвени сме за дуелот. Би сакал Вардар да го повтори успехот од пред десет години" - вели Васоски.

Дефанзивецот на Вардар, Бобан Грнчаров како фудбалер на Вардар со АПОЕЛ настапуваше во Лигата на шампионите.

„Мислам дека овој АПОЕЛ е двојно послаб од оној за кој настапував јас. Шансите се еднакви, можеби за нијасна повеќе се на нивна страна поради искуството кое го имаат во Лигата на шампионите. Да извлечеме поволен резултат на гостувањето каде што АПОЕЛ има одлична атмосфера, целта ни е да постигнеме гол во гости" - вели Грнчаров.