Евертон потврди дека се интересира за дуото на Спортинг Лисабон, Жоао Мутињо и Јаник Џало.

Мутињо е на радарот на Дејвид Мојс уште од пред неколку години, додека Џало му помогна на Спортинг да го елиминира Евертон од Лига Европа минатата недела.

Евертон потврди дека се интересира за овие двајца фудбалери.

"Ние секогаш сме во потрага по добри фудбалери и неколку пати сме гледале колку е добар Мутињо" - изјави извршниот директор на Карамелите, Роберт Елстон за португалскиот весник A Bola.

"Бев на прес конференцијата кога Фил Невил го фалеше Мутињо, и ние постојано размислуваме за засилување на тимот, па кој знае, можеби да се реализира трансферот".

Директорот потврди дека и Џало е на листата на желби.

"Секако, го знам него. Јасно е дека тој е добар фудбалер".

Powered by: 24 FUDBAL.com.mk