Италија Централниот дефанзивец на Милан, Тиаго Силва верува дека Росоњерите мора да ја победат Рома во сабота доколку сакаат да останат во трката за Скудетото.

Во сабота се игра големо дерби на Олимпико, тимовите кои го бркаат Интер, Рома и Милан се среќаваат во меѓусебна пресметка.

Милан ќе биде значително ослабен, бидејќи ќе го нема еден од најдобрите играчи, Александре Пато.

"Тоа е штета. Александре играше одлично на последните натпревари. Тој беше фантастичен дури и на нашите тренинг натпревари" - вели Тиаго Силва.

"Читав дека можеби ќе се врати за дуелот против Манчестер Јунајтед, се надеваме дека ќе биде така. Неговата брзина може да биде одлучувачка против екипата на Фергусон".

"Иако Јунајтед ќе стартува со предност, тие не можат да размислуваат само н а одбрана. А доколку му оставите само метро простор на Пато, тој може да биде многу опасен".

Силва беше прашан и дали неповикувањето на Роналдињо во репрезентацијата на Бразил остава трага врз фудбалерот.

"Не ми изгледа дека е така. Тој постојано се смее на тренингот и креира позитивна атмосфера".

"Тој ќе може да остави печат против Рома. Се надевам со гол од слободен удар".

"Му реков на Жулио Баптиста: ние треба да победиме на Олимпико. Доколку земеме три бода против Рома тогаш ќе можеме да го освоиме Скудетото" - заврши Силва.

Powered by: 24 FUDBAL.com.mk