МЕНИ

Франција | Медиумите од Франција пренесуваат дека репрезентативецот на ’Гаучосите’, Анхел Ди Марија ќе направи трансфер на Паркот на Принцовите вредна 60 милиони евра...

Според денешното издание на Le Parisien, Аргентинецот со една нога веќе е во Париз.

Анхел Ди Марија одново е топ трансфер цел на ’Светците’, но за разлика од минатото лето, ПСЖ сега има финансиска моќ да го реализира трансферот откако УЕФА ги тргна санкциите за прекршување на правилата за финансиски фер плеј.

Le Parisien пишува дека ПСЖ уште лани успеал да го заведе Анхел Ди Марија со проектот кој го презентирал.

И покрај тоа што зделката пропадна, претседателот на клубот, Насер Ал Келаифи породолжил да одржува контакт со играчот и неговите агенти.

Па сега за кратко време двете страни пронашле заеднички јазик и начелно постигнале договор за Анхел Ди Марија да се пресели на Паркот на Принцовите и да стане еден од најдобро платените играчи на ПСЖ.

Шампионот на Франција е подготвен да излезе во пресрет на барањата на Манчестер јунајтед и да плати обесштетување од 60 милиони евра.

’Црвените Ѓаволи’ платија околу 75 милиони евра за услугите на Анхел Ди Марија, но наводно се подготвени да прифатат загуба бидејќи играчот не е среќен на ’Островото’ и имаше разочарувачка прва сезона.