Италија | Медиумите од Италија пренесуваат дека Милан се договорил со Алесио Ромањоли, ’Росоњерите’ сега ќе треба да пронајдат заеднички јазик со Рома...



Тренерот на Милан, Синиша Михајловиќ го идентификува 20 годишниот Италијанец како идеално име за засилување на одбраната.
 
Според пишувањата на Corriere dello Sport, Алесио Ромањоло веќе им кажал да на ’Росоњерите’, играчот прифатил пет годишен договор и плата од 1,5 милиони по сезона.
 
На клубот од Сан Сиро сега му останува потешката задача, да пронајде заеднички јазик со Рома.
 
Првата понуда вредна 15 милиони евра беше одбиена експресно, а Милан оваа недела достави подобрен предлог вреден 18 милиони евра, плус 2 милиони во бонуси.
 
’Римската Волчица’ бара 30 милиони евра за играчот, па се очекува и новата понуда да биде одбиена.

Извор: 24FUDBAL.com.mk