Јужна Америка | Ривалдо синоќа повторно ги облече копачките и одигра натпревар за својот Моџи Мирим во втората бразилска лига, тимот ја забележа првата победа оваа сезона...



На 43 години Ривалдо се врати во игра, како што вети, бразилската ѕвезда се обиде и на теренот да му помогне на клубот на кој е претседател.
 
Ривалдо беше стартер, имаше шанса да му донесе водство на својот тим, имаше и слободен удар кој го одбрани голманот на Наутико.
 
Ривалдо беше заменет во 68. минута кога Моџи Мирим тим имаше негатива од 1-0. По неговото излегување, тимот направи комплетен пресврт и дојде до првата победа во 11 натпревари оваа сезона.
 
„По една година и три месеци, започнав повторно со тренинзи и 20 дена подоцна влегов да одиграм натпревар, тоа беше голема инспирација за младите играчи" - изјави Роналдо.
 
„Му помогнав на тимот но уште сме во тешка ситуација и ќе се обидеме да го извадиме најдоброто од нас".

Извор: 24FUDBAL.com.mk