Македонија Фудбалската селекција на Македонија остана на 64та позиција на мартовската ФИФА ранкинг листа, Шпанија и понатаму лидер

Во однос на февруари имаме 11 ранкиг бодови повеќе но тоа не донесе промена на позицијата па Македонија останува на 64та позиција.

На врвот исто така нема промени, Шпанија останува лидер иако Бразил му се приближува на актуелниот Европски шампион.

Холандија е трета, Италија четврта, а во топ петорката место си обезбеди селекцијата на Германија.

Португалија падна на шестата позиција пред Франција додека пак Англија продолжи со искачувањето и сега е на осмата позиција, потиснувајќи ја Аргентина на 9то место.

Со скок од две места Грција успеа да се избори за место во топ десет селекции на ФИФА ранкинг листата за март.

Нашите противници во квалификациите за Европското Првенство во Полска и Украина, Русија е со најдобар ранкинг и се наоѓа на 12то место.

Словачка бележи раст од пет места и се наоѓа на 31та позиција додека пак Република Ирста е со пад од две места и е на 39та позиција.

Ерменија е на 103та позиција додека пак Андора е на претпоследната, 202 позиција.

Powered by: 24 FUDBAL.com.mk