Шпанија | Најголемите каталонски медиуми, Спорт и Ел Мундо Депортиво најавуваат дека оваа недела Барселона ќе понуди помеѓу 80 и 90 милиони евра за ангажман на Пол Погба...



Каталонските медиуми пишуваат дека Барселона е цврсто решена да го ангажира Погба и за тоа нема да штедат пари.
 
Спорт објавува дека Барса оваа недела ќе достави понуда од 90 милиони евра, според Ел Мундо Депортиво понудата ќе изнесува десет милиони помалку.
 
Двата весници се едногласни дека преговорите помеѓу Барселона и Јувентус за Пол Погба ќе се случат во среда.
 
Ариедо Браида и Алберт Солер ќе отпатуваат во Торино каде што ќе треба да го договорат трансферот на ѕвездата на Јувентус.
 
Покрај големата сума на пари која ќе ја добијат, понудата на Барселона за Јувентус е атрактивна и поради трансфер забраната која ја имаат Каталонците. Барселона може да го купи фудбалерот, но тој нема да има право да настапува за нив во престојната сезона, па Јувентус би го задржал Погба уште една година.
 
Медиумите потенцираат дека проблем може да бидат преговорите за личните услови помеѓу Барселона и Погба. Агент на фудбалерот е Мино Раиола кој сака да издејствува богат договор за неговиот клиент, 12 милиони евра годишно, сума која Барса одбива да ја плаќа.
 
Брзата рекација на Барселона за ангажман на Погба е поради притисокот од Реал Мадрид, Манчестер Сити, Челзи и ПСЖ кои исто така се во контакт со Јувентус за фудбалерот од средниот ред.

Извор: 24FUDBAL.com.mk