Шпанија | Според пишувањата на AS, Серхио Рамос денеска имал средба со лидерите на Реал Мадрид во обид да се намали тензијата и да се надминат недоразбирањата...



Во последните неколку дена силно се шпекулира дека Серхио Рамос сака да го напушти Сантијаго Бернабеу ова лето.
 
Репрезентативецот на ’Црвената Фурија’ е разочаран од преговорите за новиот договор, односно одбивањето на Реал Мадрид да му излезе во пресрет на барањата за годишна плата од 10 милиони евра.
 
Дефанзивецот исто така е многу лут на информациите дека бил понуден на Барселона, а ’Кралевите’ не ја негираа оваа вест.
 
Последните информации од Шпанија велат дека утрово Серхио Рамос пристигнал во тренинг центарот на Реал во Валдебебас на мировни преговори со лидерите на клубот.
 
Двете страни ќе се обидат да ја смират тензијата, да ги надминат недоразбирањата и да го поправат односот.

Извор: 24FUDBAL.com.mk