Англија | Тренерот на Манчестер Сити, Мануел Пелегрини вели дека Жозе Мурињо заслугите за освоените титули си ги препишува само на себе...
Психолошките војни за новата сезона започнуваат рано во летото. Мануел Пелегрини во интервју за чилеански весник зборуваше против Жозе Мурињо, а се фалеше самиот себе си.
„Кога победува, Мурињо си ги препишува заслугите на себе. Јас никогаш не го правам тоа. Кога јас ја освоив Премиерлигата не кажав ниту збор" - вели Пелегрини.
„Немам проблеми со Мурињо, тој не е мој непријател и немам никаков конфликт со него, но јас сум поинаков на секое поле. Не би сакал да го анализирам него како човек".
Во дел од интервјуто за чилеанскиот весник Ел Меркурио, Пелегрини се пофали дека тој го променил шпанскиот фудбал.
„Јас го променив начинот на игра на фудбал во Шпанија, почнав да употребувам динамични играчи од средниот ред за разлика од фиксните кои претходно се употребуваа, потоа тоа го прифати и шпанската репрезентација".
„Во шпанската лига пред јас да дојдам во Виљареал, тие играа со напаѓачи на крилните позиции кои требаше да ја движат топката нагоре и надолу по теренот, но јас почнав да користам динамични играчи од средниот ред кои беа задолжени за креирање простор".
Извор: 24FUDBAL.com.mk
