Англија | Напаѓачот на бразилската репрезентација, Роберто Фирмино ќе биде ново заслување на Ливерпул, црвените за овој трансфер ќе платат околу 29 милиони фунти...



23-годишниот Фирмино во Ливерпул доаѓа од бундеслигашот Хофенхајм, тој е второто најскапо засилување во историјата на клубот.
 
„Ливерпул со задоволство може да го објави потпишувањето со Роберто Фирмино од Хофенхајм, фудбалерот ќе ги помине медицинските тестови веднаш по завршувањето на неговото учество на Копа Америка со селекцијата на Бразил" - стои во официјалното соопштение на клубот.
 
Напаѓачот има 151 настап за Хофенхајм и постигнато 47 голови. За Бразил четири пати ја тресел противничката мрежа на девет настапи вклучувајќи го и победничкиот гол против Венецуела во неделата на Копа Америка.
 
Сериозен интерес за Фирмино имаше и од Манчестер јунајтед, но Ливерпул ја доби битката.

Извор: 24FUDBAL.com.mk