Италија Претседателот на Интер, Масимо Морати вели дека Жозе Мурињо го заслужува секое евро од договорот со Нероаѕурите и очекува Португалецот уште долго да остане на Меаца

По последниот инцидент на Мурињо и гестот со ’лисици’ на дуелот со Сампдорија, медиумите од Италија шпекулираат дека Масимо Морати полека бара замена за Португалецот.

Во исто време повторно се појавија шпекулациите дека Мурињо е приоритет за Реал Мадрид доколку Пелегрини оваа сезона на Кралевите не им донесе трофеј.

Но претседателот на Интер, Масимо Морати вели дека Мурињо нема да замине од шампионот на Италија и се надева на соработка со Португалецот уште многу години.

“Гледам дека весниците пишуваат за него како карактер, но сите забораваат дека пред се тој е одличен професионалец.” – рече Морати.

“Тој се грижи за секој детал. Многу е внимателен со работата на тренинзите.”

“Мислам дека го заслужува секое евро од договорот (13 милиони).”

Запрашан дали ова е последна сезона на Мурињо во Интер, Морати рече: “Тој има валиден договор со Интер и јас сум сигурен дека тој ќе остане. ”

Околу медиумскиот молк на Интер, Морати додаде: “Ќе трае се додека е потребно такво нешто.”

Powered by: 24 FUDBAL.com.mk