Германија | Францускиот весник L’Equipe пренесува дека Франк Рибери пред време би можел да стави крај на кариерата поради повреда на скочниот зглоб...
Офанзивниот фудбалер изминатава сезона мака мачеше со повредите, а последната ја заработи во март.
Во прв момент се говореше дека повредата не е сериозна, но Франк Рибери сеуште е надвор од стројот и не се знае кога ќе се врати на терените.
L’Equipe пренесува дека повредата на скочниот зглоб останува мистерија, сеуште никој не може да пронајде решение за играчот, па весникот дури вели дека Франк Рибери би можел пред време да стави крај на кариерата.
„Ситуацијата ме прави нервозен, ова е катастрофа” - L’Equipe го цитира Рибери. „Постојано мислам на стапалото, сакам да трчам а не можам”.
Агентот на играчот пак вели дека е прерано да се говори за ставање крај на кариерата, и инсистира дека Франк Рибери ќе стори се што може за да се врати на терените.
„Франк не се откажува, не е таков човек” – вели Жан Пјер Берн. „Сака да се врати, сака да продолжи да игра”.
„Но морам да признам дека е разочаран од целата ситуација”.
„Прави се што може за да се врати на терените, сака да ја заврши кариерата на високо ниво, а не вака”.
Извор: 24FUDBAL.com.mk
