Италија | Нови детали за последниот скандал со наместени натпревари во Италија, обвинителството открива дека има доказии кои покажуваат дека Катанија влијаела на резултатите на најмалку пет натпревари...
Медиумите од Италија утрово пренесоа дека биле упасени седум лица, помеѓу кои и лидиерите на Катанија, за местење натпревари во Серија Б.
Клубот од Сицилија беше обвинет дека купил неколку средби и на тој начин си го обезбедил опстанокот.
Попладнево на прес конференција беа откриени повеќе детали од акцијата.
Обвинителството од Катанија истакна дека има докази кои кои покажуваат дека фудбалскиот клуб Катанија наместил најмалку пет натпревари, а постои сомнеж за уште еден натпревар.
„Веруваме дека се наместени најмалку 5 натпревари, а можеби и 6” – изјави обвинителот Џовани Салви.
Под истрага се натпреварите Варезе – Катанија (0-3), Катанија – Трапани (4-1), Латина – Катанија (1-2), Катанија – Тернана (2-0) и Катанија – Ливорно (1-1).
Шестиот натпревар кој исто така е сомнителен е победата на Катанија од 1-0 над Авелино.
Истрагата започнала во март, кога Катанија се нашла на дното на табелата по поразот од Виртус Ентела.
Извор: 24FUDBAL.com.mk
