Англија | Според денешното издание на AS, Манчестер јунајтед ќе понуди 30 милиони евра плус услугите на Давид Де Геа за да стигне до потписот на Серхио Рамос...



Шпанскиот весник пред неколку дена објави дека Серхио Рамос решил ова лето да замине од Сантијаго Бернабеу поради недоразбирање со управата на Реал Мадрид.
 
Репрезентативецот на ’Црвената Фурија’ експресно беше поврзан со трансфер во Премиерлигата, а Манчестер јунајтед беше посочен како најсериозен кандидат за потписот на дефанзивецот.
 
Реал Мадрид се обидува да стигне до услугите на голманот Давид Де Геа, па ’Црвените Ѓаволи’ ќе се обидат да ја искористат оваа зделка за да ангажираат Серхио Рамос.
 
Денешното издание на AS пренесува дека најтрофејниот клуб од Англија ќе понуди 30 милиони евра плус Давид Де Геа во замена за Серхио Рамос.
 
Доколку се пресели на Олд Трафорд, Серхио Рамос ќе добие годишна плата од 12 милиони евра, што е двојно повеќе од она што го заработува во моментот.

Извор: 24FUDBAL.com.mk