Англија | Серхио Агуеро уште еднаш нагласува дека е среќен во Манчестер сити и не планира да замине од Етихад Стадионот...



Медиумите од Шпанија во неколку наврати пренесоа дека Серхио Агуеро е топ трансфер цел на претседателот на Реал Мадрид, Флорентино Перез.
 
Аргентинецот се најавува како новиот ’Галактико’ на Сантијаго Бернабеу, но напаѓачот уште еднаш нагласува дека е среќен во Манчестер сити и не планира да замине од Етихад Стадионот.
 
„Единствена причина за некој играч да ја промени средината е желбата за успех, и јас имам се што ми треба за успех во Сити” – вели Агуеро.
 
„Не можам да ги спречам шпекулациите. Не можам да ги спречам луѓето да пишуваат стории, но можам да го повторам она што го кажав пред неколку дена”.
 
„А тоа е дека сум многу среќен во Манчестер сити”.
 
„Изминатите четири сезони тука беа прилично успешни, и гладен сум за нови трофеи”.
 
„Премиерлигата е голем приоритет, сакаме да се вратиме на врвот во Англија, но големиот сон е триумф во Лигата на Шампионите”.

Извор: 24FUDBAL.com.mk