Македонија | Дарко Велковски е петтото засилување за Вардар во летниот преоден рок, за овој трансфер црвено-црните на Работнички му платија 100.000 евра, рекорд во македонскиот фудбал...



Ретко кој македонски клуб плаќа отштета за да купи македонски фудбалер, кога се случувале такви трансфери, тие најчесто биле со пет цифри, овој пат Вардар ја проби границата и му плати 100.000 евра на соседот за услугите на Дарко Велковски.
 
Претседателот на Работнички, Драган Поповски во изјава за Екипа, потврди дека на сметката на неговиот клуб е легната сумата од 100.000 евра која ја платил Вардар за да го донесе Велковски.
 
Дефанзивниот фудбалер кој настапува како стопер но може да игра и како последен играч за врска, стави потпис на три годишен договор со Вардар и утре ќе се приклучи на подготовките во Австрија каде што црвено-црните се подготвуваат за квалификациите од Лигата на шампионите.
 
Велковски е петтото засилување за Вардар, претходно во клубот дојдоа Ацо Стојков, Бобан Николов, Владица Брдаровски и Филип Гачевски.

Извор: 24FUDBAL.com.mk