Италија | Милан денеска се раздели со тренерот Пипо Инзаги и на негово место го именуваше Синиша Михајловиќ, кој стави потпис на две годишен договор...



По слабата сезона на ’Росоњерите’, јасно беше дека Пипо Инзаги ќе го напушти кормилото на првиот тим.
 
Карло Анчелоти беше желбата на лидерите на клубот, но откако Адриано Галијани не успеа да го убеди стратегот да се врати на Сан Сиро, Милан се насочи кон Синиша Михајловиќ.
 
Србинот за кратко време се договори со ’Црвено-црните’ па откако денеска му беше врачен отказ на Пипо Инзаги, Милан официјално го потврди пристигнувањето на Синиша Михајловиќ.
 
„Милан сака да соопшти дека Пипо Инзаги е разрешен од должноста тренер на првиот тим. Клубот сака да му се заблагодари за досегашната работа” – гласеше известувањето на Милан.
 
Еден час подоцна ’Росоњерите’ соопштија дека Синиша Михајловиќ ставил потпис на две годишен договор.
 
„Синиша Михајловиќ, кој стави потпис на две годишен договор, ќе биде новиот тренер на Милан” – гласеше соопштението.
 
„Му посакуваме напорна работа и подобри резултати”.

Извор: 24FUDBAL.com.mk