Јужна Америка | На синоќешните два натпревари од Копа Америка беа постигнати вкупно 11 погодоци, Боливија го изенанди Еквадор победувајќи го со 3-2, домаќинот Чиле одигра 3-3 против Мексико кој на овој турнир настапува со втор состав...



Синоќа дури 11 пати се тресеа мрежите на големиот турнир во Јужна Америка. Боливија направи пријатно изненадување победувајќи го Еквадор со 3-2.
 
Првиот шок се случи уште во 5. минута кога Ралдес реализираше за водство на Боловија од 1-0, а веќе во 18. резултатот беше зголемен на 2-0 откако Смедберг постигна погодок.
 
20 минути подоцна Еквадор преку Валенсија пропушти огромна шанса да намали и да се врати во игра, не успеа да реализира пенал. Казната стигна само пет минути подоцна кога Морено покажа како се изведува пенал и зголеми на 3-0.
 
Во второто полувреме Еквадор преку Валенсија и Болањос успеа само да го ублажи поразот на 3-2.
 
Мексико кој настапува без своите најдобри фудбалери требаше да биде лесен залак за домаќинот Чиле, но успеа да избори реми играјќи 3-3.
 
Мексико дојде во водство преку Вуосо во 21. минута, но веќе во следниот напад Чиле со гол на Артуро Видал изедначи на 1-1.
 
Во 29. минута Хименез го врати водството на Мексико, но на три минути до крајот на првиот дел Варгас изедначи на 2-2.
 
По десет минути игра во второто полувреме, Видал од пенал прави комплетен пресврт и му носи водство на Чиле од 3-2, но Вуосо со погодок во 66. минута ги поставува конечните 3-3.
 
Денеска на програмата се дуелите помеѓу Парагвај и Јамајка и дербито помеѓу Аргентина и Уругвај.

Извор: 24FUDBAL.com.mk