Останато Зинедин Зидан вели дека ’попрво би умрел’ отколку да му се извини на Марко Матераци, кого го удри со глава во финалето на Светското Првенство во 2006
Светскиот фудбал остана запрепастен кога Зидан, во својот последен натпревар од кариерата, со глава го удри Марко Матераци во екстра периодот од финалето на СП 2006 и заработи црвен картон.
Италија подоцна го освои Светското Првенство по изведувањето на пенали и Зидан иако признава дека погрешил и жали за тоа што направил, инсистира дека никогаш нема да му се извини на Матераци.
Зидан исто така не сакаше да ги откри зборовите ’што ја прелија чашата’ за тој да реагира така бурно но призна дека Матераци ја навредил неговата мајка.
“Секако дека се каам за тоа што го направив.” – рече Зидан за El Pais. “Но доколку кажам ’жалам’ со тоа ќе признаам дека она што го направи тој е нормално.”
“За мене тоа не е нормално.”
“Одредени работи се случуваат на теренот. Мене ми се случило тоа многу пати. Но на дуелот со Италија повеќе не можев да издражам. Тој неколку пати ја навреди мојата мајка, која во тој период беше во болница.”
“Да беше некој чесен играч како Кака, добро момче, секако дека ќе се извенев. Но на Матераци...”
“Се извинувам на фудбалот, на фановите на тимовите.. По карајот на натпреварот отидов во соблекувалната и им реков ’Простете ми. Ова не менува ништо. Но сакам да им се извинам на сите’.”
“Но него не можам да му се извинам. Никогаш, никогаш... така би се обесчестил самиот себе... попрво би умрел. ”
Powered by: 24 FUDBAL.com.mk
