Евро 2016 | Хрватската фудбалска федерација се извини за кукастиот крст кој беше нацртан на теренот на Пољуд на кој синоќа играа Хрватска и Италија...



Во Сплит синоќа се случи голем инцидент иако натпреварот се играше пред празни трибини, на теренот беше нацртан нацистичкиот симбол.
 
Хрватските медиуми одеа дотаму што пишуваа дека поради серијата инциденти кои ги прават нивните навивачи, нивната земја може да биде исклучена од квалификациите.
 
Портпаролот на Хрватската фудбалска федерација, Томислав Пачак се извини за немилиот настан:
 
„Се извинуваме за наци симболот на сите фанови кои го гледаа натпреварот на телевизија, на двата тима и на нашите гости од Италија" - вели портпаролот.
 
„Претпоставуваме дека симболот бил нацртан на теренот помеѓу 24 и 48 часа, така што можел да биде видлив само во текот на играта".
 
„Ова е саботажа и кривично дело, па очекуваме полицијата да ги открие сторителите, исто така ја известивме и УЕФА".
 
„Ова не е срам само за Хрватската федерација, туку за цела Хрватска. Ниту нашиот селектор, ниту играчите нема да коментираат за овој инцидент".

Извор: 24FUDBAL.com.mk