Англија | ’Црвените’ наскоро ќе достават нова понуда вредна околу 6 милиони фунти, но според медиумите од Англија и овој предлог ќе биде одбиен...



На почетокот од оваа недела, Ливерпул соопшти дека се договорил со Дани Ингс, кој на Енфилд треба да пристигне како слободен играч откако ќе му истече договорот со Барнли.
 
Но со оглед на тоа дека напаѓачот има помалку од 23 години, Барли мора да добие обесштетување.
 
Првата понуда на ’Црвените’ изнесуваше 4 милиони фунти, но одговорот на Барнли беше негативен.
 
Медиумите од ’Островото’ најавуваат дека Ливерпул ќе испрати подобрена понуда вредна околу 6 милиони фунти, но најверојатно ниту оваа сума нема да биде доволна за двете страни да си подадат рака.
 
Се говори дека Барнли бара околу 10 милиони фунти за репрезентативецот на Англија до 21 година.
 
Доколку двата клуба не успеат да пронајдат заеднички јазик, трибунал од Премиерлигата ќе одлучи колкаво обесштетување Ливерпул ќе треба да му исплати на Барнли.

Извор: 24FUDBAL.com.mk