Шпанија | Натпреварот од последното коло помеѓу Барселона и Депортиво е под истрага поради контроверзни изјави на играч на Ла Коруња, кој побарал од Чави ’Каталонците’ да одиграат малку порелаксирано...



Барселона водеше со 2-0, но на крајот Депортиво се избори за 2-2 и со освоениот бод од Камп Ноу обезбеди опстанок во Примереа.
 
Натпреварот сега е под истрага поради контроверзни изјави на дефанзивецот на Ла Коруња, Алберто Лопо, кој наводно побарал од Чави ’Каталонците’ да одиграат малку порелаксирано.
 
„Му кажав на Чави дека тие треба да бидат малку порелаксирани бидејќи реми е добар разултат за сите” – изјавил Лопо.
 
Ваквата изјава сугерира дека играчот на Депортиво се обидел да го убеди капитенот на Барселона да го наместат натпреварот па официјалните лица сега се приморани да спроведат истрага и да утврдат дали Лопо само се пошегувал или не.
 
AS пренесува дека истрагата се однесува само на играчот а не на Барселона и Депортиво, и за ова потврда добиле од првиот човек на Ла Лига.

Извор: 24FUDBAL.com.mk