Шпанија | ’Каталонците’ и Севиља постигнаа договор за трансфер на Алекс Видал, играчот се обврза кон новиот шампион на Европа до 2020...
Барселона има трансфер ембарго до 1. јануари 2016, но тоа не ги спречи лидерите на клубот да работат на засилување на составот.
Иднината на Дани Алвес е неизвесна, десниот бек има договор до 30. јуни, па ’Каталонците’ решија дека е потребно да се ангажира замена за Бразилецот.
Изборот падна на 25 годишниот Алекс Видал, кој имаше одлична сезона во дресот на Севиља.
Барса вчера во доцните вечерни часови соошти дека е постигната согласност со ’Андалузијците’ за играчот да се пресели на Камп Ноу.
Детали од зделката не се откриваат, а според медиумите од Шпанија, Севиља ќе инкасира помеѓу 17 и 18 милиони евра од продажбата на Алекс Видал.
Играчот утрово треба да ги помине лекарските прегледи и да стави потпис на пет годишен договор.
Неговата официјална презентација е закажана за 13 часот.
Извор: 24FUDBAL.com.mk
