МЕНИ

Англија | Александар Трајковски е првото засилување за Палермо ова лето, Македонецот попладнево стави потпис на пет годишен договор...

Репрезентативецот на ’Црвено-жолтите’ го комплетираше трансферот на Сицилија, откако успешно ги помина лекарските прегледи и се обврза кон Палермо во следните пет сезони.

„Палермо може да соопшти дека го ангажираше Александар Трајковски од Зулте Варегем” – гласеше известувањето.

„Македонецот стави потпис на пет годишен договор”.

За авантурата во Серија А, Александар Трајковски рече: „Многу сум среќен. Ова за мене е голем предизвик, голем чекор напред. Се надевам дека ќе постигнеме голем успех во следните сезони”.

Запрашан која му е омилена позиција, тој вели: „Можам да играм на сите позиции во нападот. По левата или десната крлина позиција, или како втор напаѓач”.

„Моите силни страни се брзината, дриблингот и добрата техника. Се надевам дека ќе постигнам голем број на погодоци”.

„Го следев Палермо изминативе сезони, ја гледам Серија А. Кога добив повик бев премногу среќен, отсекогаш сонував да играм во едно од најдобрите првенства”.

„Ми се оствари сонот, па сега ќе го дадам најдоброто од себе”.

Македонецот потоа испрати и порака до фановите на Палермо: „Сакам да им порачам на фановите дека ќе го дадам максимумот за боите на клубот, и за да ги оствариме посакуваните резултати”.