Англија | Медиумите од Италија пренесуваат дека ’Нероаѕурите’ се обидуваат да го искористат добриот однос со ’Специјалниот’ за да стигнат до услугите на Хуан Квадрадо...



Репрезентативецот на Колумбија во јануари се пресели на Стемфорд Бриџ но не успеа да се снајде во Премиерлигата.
 
Па затоа се почесто се говори дека Хуан Квадрадо ќе стави крај на авантурата во Англија, и ќе се врати во Серија А, каде интерес за неговите услуги пројавуваат Интер, Рома и Наполи.
 
Последните извештаи велат дека ’Нероаѕурите’ се најсериозен кандидат за потписот на 27 годишниот офанзивен фудбалер.
 
Интер се обидува да го искористи добриот однос со Жозе Мурињо за да стигне до услугите на играчот пред конкуренцијата.
 
Се говори дека двете страни се блиску до постигнување на согласност за зделка според која Хуан Квадрадо ќе се пресели на Џузепе Меаца на позајмица вредна 2 милиони евра, а ’Нероаѕурите’ исто така ќе се обврзат во целост да го откупат играчот за 25 милиони евра во 2016.

Извор: 24FUDBAL.com.mk