Англија | Според англиските медиуми, Арсенал ќе се обиде да го ангажира Златан Ибрахимовиќ, за таа цел е подготвен да одвои 11 милиони фунти...



Дали Венгер ќе ја признае грешката кога го испушти младиот Ибрахимовиќ кој тогаш наместо да потпише за Арсенал отпатува во Ајакс.
 
Арсенал е во потрага по напаѓач, а утринските изданија на весниците во Англија велат дека топчиите подготвуваат 11 милиони фунти за ангажман на Ибрахимовиќ.
 
Шведскиот фудбалер минатата сезона имаше проблеми откако ги навреди французите по еден лигашки натпревар на ПСЖ, па многумина прогнозираа дека тоа ќе биде и последната сезона на Ибра во Франција.
 
Името на Ибрахимовиќ силно се поврзува и со враќање во Милан, но росоњерите нема да настапуваат во Лигата на шампионите и тоа може да претставува проблем за напаѓачот кој нема титула од најелитното европско натпреварување.

Извор: 24FUDBAL.com.mk