МЕНИ

Англија | Трансфер целта на Челзи, Радамел Фалкао вели дека сака да продолжи да игра во Англија, и најави разрешница на неговата иднина во скоро време...

Репрезентативецот на Колумбија минатото лето, во последниот ден од преоден рок, пристигна на Олд Трафорд на позајмица од Монако, многумина веруваа дека тоа може да биде трансферот на сезоната, но напаѓачот потфрли во Премиерлигата.

Манчестер јунајтед имаше опција да го задржи Радамел Фалкао, но минатиот месец го информираше Монако дека играчот ќе се врати на Луј Втори Стадионот.

Сепак, за очекување е Рафамел Фалкао одново да ја промени средината, името на играчот се поврзува со Челзи, Валенсија и Атлетико Мадрид.

Се говори дека ’Сините’ се најсериозен кандидат за потписот на напаѓачот, кој сега вели дека сака нова шанса во Премиерлигата.

„Има многу шпекулации за мојата иднина, но јас се обидувам да останам смирен” – рече популарниот ’Ел Тигре’.

„Би сакал да продолжам во Премиерлигата, ќе донесам одлука во следните недели”.

Медиумите од ’Островото’ пренесуваат дека Радамел Фалкао е подготвен да прифати драстично намалување на плтата само за да потпише со тимот на Жозе Мурињо.

Исто така се говори дека Монако сака 5 милиони футни за едногодишна позајмица на играчот, како и додатни 35 милиони фунти за Радамел Фалкао да направи перманентен трансфер доколку ги оправда очекувањата на Челзи.