МЕНИ

Англија | Анхел Ди Марија вели дека и следната сезона ќе го носи дресот на ’Црвените Ѓаволи’...

Репрезентативецот на ’Гаучосите’ минатото лето се пресели на Олд Трафорд за рекордни 59,7 милиони фунти.

Анхел Ди Марија беше најавуван како големо засилување за ’Црвените Ѓаволи’, но Аргентинецот имаше слаба сезона во која постигна само три гола.

Па затоа неговата иднина во Манчестер јунајтед беше ставена под знак прашалник, ПСЖ одново пројави интерес за услугите на офанзивниот фудбалер и се најавуваше трансфер на Анхел Ди Мариај во Париз.

Сепак, самиот играч ја отфрла можноста за една ваква зделка, и вели дека и следната сезона ќе го носи дресот на најтрофејниот клуб од Англија.

„Штотуку ја завршив првата сезона во дресот на Манчестер јунајтед” – рече Ди Марија. „Сега ќе се фокусирам на Копа Америка”.

„Потоа ќе се вратам во Манчестер и ќе се обидам да го прикажам најдоброто од себе во новата сезона”.

„Изминативе 12 месеци беа тешки. Мислам дека имав проблеми поради тоа што се преселив во нова земја, во ново првенство”.

„Премиерлигата е многу потешка од Ла Лига. Не успеав да се адаптирам онака како што посакував”.