Останато | Светската куќа на фудбалот (ФИФА) најавува големи реформи по скандалите кои сеуште излегуваат на површина, најголемата промена ќе биде ограничување на мандатот на идниот претседател...



Сеп Блатер на чело на ФИФА беше 17 години, можеше и подолго, но си поднесе оставка само четири дена откако доби нов мандат. Тој го држи третото место по најдолго владеење со ФИФА.
 
Претседателот на Комитетот за ревизија и усогласување на ФИФА, Доменико Скала, денеска за Би-Би-Си потврди дека Светската фудбалска организација ќе претрпи сериозни промени.
 
За прв пат до сега, претседателот на ФИФА ќе има ограничен мандат, нема да може вечно да седи на престижното столче, неговата плата ќе биде официјално соопштена што не беше случај до сега.
 
ФИФА слични реформи најавувала и претходно, но тие никогаш не биле спроведени во пракса. Сепак сега почвата за промени е повеќе од поволна, сите скандали кои излегоа донесоа нови моменти и овој пат реформите нема да бидат одложени.

Извор: 24FUDBAL.com.mk