Останато | Извршнииот директор на Ирската фудбалска федерација, Џон Делани откри дека од ФИФА добиле пет милиони евра за да го прекинат судскиот спор поради играњето со рака на Тиери Анри во бараж натпреварот во 2010 година...



Репрезентација на Република Ирска беше пред пласман на мундијалот во Јужна Африка, но Франција благодарение на играта со рака на Тиери Анри постигна гол и се пласираше на светското првенство.
 
Ирците беа бесни на огромната судиска грешка и почнаа судска процедура за добивање на правдата, но во еден момент се откажаа од кривично гонење.
 
Тогаш англискиот весник „Сан" тврдеше дека Ирската федерација добила пари од ФИФА за да го прекине судскиот спот. Таквите пишувања сега се потврдени од извршниот директор на ФАИ, Џон Делани.
 
Тој во интервју за ирската државна телевизија, РТЕ потврди дека на сметката на федерацијата легнале пет милиони евра за да заборават на „раката" на Анри: „Тоа беше уплата на сметка на федерацијата за да не покренуваме судски спор".

Извор: 24FUDBAL.com.mk