Италија | Трансфер целта на Челзи и Атлетико Мадрид, Мауро Икарди стави потпис на нов договор и се обврза кон ’Нероаѕурите’ до 2019...



Клубот од Џузепе Меаца подолго време водеше преговори со Аргентинецот за продолжување на соработката.
 
Играчот во неколку наврати го одби предлогот на Интер, проблем беа имиџ правата, па често се говореше за негово заминување.
 
Челзи, Атлетико Мадрид и Ливерпул внимателно ја следеа ситуацијата на Муаро Икарди.
 
Сепак, Интер и напаѓачот оваа недела успеаа да пронајдат заеднички јазик, па Аргентинецот вчера во вечерните часови стави потпис на нов договор и се обврза кон ’Нероаѕурите’ до 2019.
 
„Интер е задоволен што може да соопшти дека Маури Икарди стави потпис на нов договор” – гласеше известувањето.
 
„Аргентинецот сега е обврзан кон Интер до 30. јуни 2019”.
 
Икарди изминатава сезона зад своето име запиша 22 гола во Серија А, и беше најдобар стрелец заедно со Лука Тони од Верона.

Извор: 24FUDBAL.com.mk