Шпанија | Медиумите од Шпанија и Италија пренесуваат дека Реал Мадрид се обидува да го ангажира Марко Верати од ПСЖ...



Извештаите кои пристигнуваат од Шпанија, велат дека новиот тренер на Реал Мадрид, Рафа Бенитес сака да го реконструира средниот ред, Шпанецот верува дека тимот е најслаб токму во овој департман.
 
Како идеално засилување е идентификуван Марко Верати, играч кој беше желба и на Карло Анчелоти.
 
ПСЖ нема лесно да се откаже од младиот Италијанец, па затоа ’Кралевите’ се подготвени да платат високи 60 милиони евра.
 
И медиумите од Италија пишуваат за можна преселба на Марко Верати на Сантијаго Бернабеу.
 
Реномираниот новинар Џанлука Ди Марцо пренесува дека ’Кралевите’ оваа недела имале средба со супер-агентот Ернесто Бронѕети и агентот на играчот, Донато ди Кампли.
 
Реал наводно му понудил на Марко Верати пет годишен договор и плата од 7 милиони евра по сезона.
 
’Кралевите’ имаат ДА од играчот, и сега останува само да го убедат ПСЖ да се раздели со 22 годишниот репрезентативец на ’Аѕурите’.

Извор: 24FUDBAL.com.mk