Англија Менаџерот на Челзи, Карло Анчелоти инсистира дека Џон Тери ќе биде комплетно насочен на натпреварот со Сити и скандалот нема да има никакво влијание иако тој ќе игра против Вејн Бриџ.

Манчестер Сити му гостува на Челзи, Вејн Бриџ за прв пат по скандалот на мегдан против Џон Тери.

Сите очи во Англија и пошироко се насочени кон овој дуел, по добро познатите случувања кои предизвикаа многу контроверзи.

Карло Анчелоти инсистира дека Џон Тери е комплетно фокусиран на дуелот.

"Џон Тери е професионалец и нема проблем да се концентрира на натпреварот" - смета Анчелоти.

"Тој игра добро, фокусиран е и има добар менталитет".

"Тој играше фантастично оваа сезона и мислам дека така ќе биде до крајот на сезоната".

"Сигурен сум дека натпреварот ќе биде Манчестер Сити против Челзи а не Тери против Бриџ, треба комплетно да останеме фокусирани на натпреварот".

"Манчестер Сити е многу добар тим. Имаат многу квалитет во составот, па треба да размислуваме за тоа".

"Скандалот нема да има влијание на тимот. Не знам колку од луѓето се заинтересирани за тоа. Но фудбалерите не обрнуваат внимание, сигурен сум во тоа".

Анчелоти вели дека не е изненаден од одлуката на Бриџ да го напушти Гордиот Албион.

"Не сум изненаден бидејќи тоа е негова лична одлука. Го почитувам тоа. И тоа не е мој проблем" - изјави Карло Анчелоти.

Powered by: 24 FUDBAL.com.mk