Италија Според денешните издание на медиумите од Италија, екипата на Јувентус посакува по крајот на сезоната да ги ангажира Франк Рибери и Едисон Кавани

Медиумите од Италија велат дека по вчерашниот состанок на бордот на Јувентус, Роберто Бетега и Алесио Секо можат да бидат расположени бидејќи ќе имаат значајна сума на пари за трошење по крајот на сезоната.

Corriere dello Sport вели дека управата на Бјанконерите повторно ќе се насочи кон Франк Рибери.

Францускиот интернационалец подолго време е следен од Јувентус и беше потенциран како еден од можните наследници на Павел Недвед, кој лани се пензионираше.

Баерн ќе го продаде Рибери по крајот на сезоната доколку Французинот не го обнови договорот но Баварците за услугите на крилото побрауваат помеѓу 40-50 милиони евра.

Покрај ваквата висока цена, Јувентус ќе треба да се справи и со конкуренцијат од Шпанија и Англија, бидејќи Рибери во своите редови го посакуваат Реал Мадрид, Барселона, Челзи и Манчестер Јунајтед.

Во меѓувреме Tuttosport вели дека Едисон Кавани од Палермо е идентификуван како приорите во обидите да се засили нападот.

Интернационалецот од Уругвај игра во одлична форма во Палермо и се поврзува со заминување од Сицилија и преселба во некој од гигантите од Серија А подолго време.

Powered by: 24 FUDBAL.com.mk