Италија | Карло Анчелоти не ја прифати понудата да се врати на Сан Сиро, стратегот ќе направи пауза од фудбалот...



Минатата недела, генералниот извршен директор на Милан, Адриано Галијани имаше серија состаноци со Карло Анчелоти во Мадрид, во обид да го убеди тренерот да го превзеде кормилото на ’Росоњерите’.
 
Лидерите на Милан сепак не успаа во намерата, Карло Анчелоти вчера во вечерните часови соопшти дека нема да се врати на Сан Сиро.
 
„Му благодарам на Милан за поддршката и интересот. Тешко е да му се каже не на толку драг клуб, но потребен ми е одмор. Им посакувам се најдобро” – напиша Анчелоти на Твитер.
 
Милан сега ќе треба да се насочи кон други алтернативи, медиумите шпекулираат со имињата на Винченцо Монтела од Фиорентина и Синиша Михајловиќ, кој оваа недела се раздели со Сампдорија.
 
Како опција се споменува и тренерот на Примавера тимот, Кристијан Броки.

Извор: 24FUDBAL.com.mk