Англија | Мемфис Депај официјално сеуште не е фудбалер на ’Црвените Ѓаволи’, но Холанѓанецот веќе успеа да го навлече гневот на лидерите на клубот од Олд Трафорд...



Минатиот месец, Манчестер јунајтед и ПСВ постигнаа договор за трансфер на Мемфис Депај вреден околу 25 милиони фунти.
 
Битката за титулата во Холандија веќе беше решена, па ’Црвените Ѓаволи’ сакале да ја заштитат својата нова аквизиција, и побарале Мемфис Депај да ги преседе последните две кола од првенството.
 
Сепак, репрезентативецот на ’Лалињата’ сакал да биде најдобар стрелец и да му помогне на ПСВ да стигне до рекорден број на бодови, па решил да го игнорира барањето на најтрофејниот клуб од Англија.
 
„Јас навистина сакав да играм и тренерот (Филип Коку) немаше ништо против” – вели Депај во разговор со De Telegraaf.
 
„Но ПСВ и Манчестер Јунајтед не беа задоволни. Двата клуба сугерираа дека треба да одмарам бидејќи постои ризик да се повредам”.
 
„Сепак, јас сакав да бидам најдобар стрелец и да помогнам ПСВ да стигне до рекорден број на бодови, па немаше шанси да ги преседам последните два натпревари”.

Извор: 24FUDBAL.com.mk