Англија | Жозе Мурињо вели дека Антоан Гризман е одличен напаѓач, но демантира дека ’Сините’ сакаат да го ангажираат Французинот...
Репрезентативецот на ’Триколорите’ имаше одлична прва сезона на Висенте Калдерон во која запиша 22 погодоци зад своето име во Примера.
Се говори дека неколку клубови го следат играчот, а како најзагреани за потписот на Антоан Гризман се посочуваат Баерн Минхен и Челзи.
Сепак, Жозе Мурињо демантира дека ’Сините’ се обидуваат да стигнат до потписот на офанзивниот фудбалер.
„Антоан Гризман е одличен напаѓач но не е дел од нашите цели за засилување на составот” – вели ’Специјалниот’ за Marca. „Не сме заинтересирани за него”.
Самиот фудбалер исто така се огласи на оваа тема.
„Не знам дали Баерн и Челзи навистина се заинтересирани, бидејќи тоа се само шпекулации” – рече Гризман во разговор со Marca.
„Среќен сум во Атлетико”.
„Не сум играч кој бара промена по само една година престој. Треба уште многу да учам и знам дека можам да го сторам тоа тука”.
Извор: 24FUDBAL.com.mk
