Англија | Според Гардијан, Манчестер јунајтед во летниот преоден рок би можел да се засили со бекот на Барселона, Дани Алвеш...



Голема е веројатноста дека финалето од Лигата на шампионите ќе биде последен меч за Дани Алвеш во дресот на Барселона, иако фудбалерот сеуште не донел конечна одлука.
 
Алвеш станува слободен фудбалер и со тоа мета на неколку големи клубови помеѓу кои ПСЖ и Манчестер јунајтед.
 
Тренерот на ПСЖ, Лорен Блан синоќа истакна дека Алвеш нема да се пресели во Париз, денешните шпекулации велат дека тој е блиску до Манчестер јунајтед.
 
Според Гардијан, Јунајтед му нуди богат договор на Дани Алвеш со цел да го добие неговиот потпис.
 
Останува да видиме дали Барселона ќе успее да го задржи Бразилецот кој се пожали дека клубот не му дава доволно добар договор, или од следната сезона ќе игра во друг дрес.

Извор: 24FUDBAL.com.mk