Шпанија Медиумите од Шпанија пренесуваат дека дефанзивецот на Барселона, Жерард Пике постигнал согласност за нов договор според кој ќе остане на Камп Ноу до 2015

Сегашниот договор на Пике е со трајност до 2012, но поради одличните перформанси во последните 18 месеци откако дефанзивецот се врати на Капм Ноу од Манчестер Јунајтед ја натераа управата на Барса да му понуди нов договор.

Сите медиуми од Шпанија пренесоа дека играчот веќе постигнал согласност за продолжување на верноста до 2015 и во текот на денов треба да следи официјалната потврда.

Во декември беше одржан првиот состанок помеѓу претставниците на Пике и управата на Барселона.

Но во последните десетина дена зачестија средбите помеѓу агентот на Пике, Артуро Каналес и техничкиот директор Чики Бегиристан по што двете страни постигнаа согласност за прдолжување на договорот.

Деталите сеуште не се познати но медиумите веруваат дека во новиот договор на Пике, откупната клузула ќе биде зголемена од сегашните 50 милиони евра на 100 милиони.

23 годишниот Шпанец е продукт на младинската школа на Барселона, но играчот во 2004 реши да се пресели во Манчестер Јунајтед каде што помина четири сезони.

Во 2008 по доаѓањето на Пеп Гвардиола на кормилото на Барса, стратегот побара дефанзивецот да биде вратен на Камп Ноу и Барса за неговите услуги одвои пет милиони евра.

Powered by: 24 FUDBAL.com.mk