Англија | Според денешното издание на Marca, Диего Коста сака да се врати на Висенте Калдерон, но Челзи не сака да слушне за продажба на напаѓачот...



Репрезентативецот на Шпанија минатото лето се пресели на Стемфорд Бриџ во зделка вредна околу 32 милиони фунти и одлично се вклопи во тимот на Жозе Мурињо.
 
Диего Коста беше најдобриот стрелец на ’Сините’ во Премиерлигата со 20 погодоци зад своето име, и еден од клучните играчи за освојување на титулата.
 
Но според денешното издание на Marca, напаѓачот сака да стави крај на авантурата на ’Островото’ и да се врати во Атлетико Мадрид.
 
Извештајот вели дека играчот нема проблеми со менаџерот Жозе Мурињо и со Челзи, но не може да се адаптира на Англија и не му се допаѓа животот во Лондон.
 
Диего Коста наводно веќе остварил контакт со лидерите на Атлетико, и ставил до знаење дека е подготвен да прифати намалување на платата само за да му се оствари желбата.
 
Marca исто така пренесува дека Челзи не сака да слушне за продажба на Диего Коста, па мали се шансите да се реализира еден ваков трансфер.

Извор: 24FUDBAL.com.mk