Англија Вејн Бриџ преку соопштение до медиумите најави дека нема да биде на располагање за настапите на селекцијата на Англија

Левиот бек на Манчестер Сити во соопштение издадено од неговите адвокати рече дека неговата позиција во националниот состав станала ’неодржлива’ и ’можеле да донесе потенцијална поделеност’.

Повлекувањето на Вејн Бриџ од репрезентацијата е последица на љубовната афера на Џон Тери со неговата поранешна девојка, сторија што ја објавија медиумите од Англија и што придонесе Фабио Капело да му ја одземе капитенската лента на дефанзивецот на Челзи.

Со ваквиот потег на Бриџ, Фабио Капело остана без првите избори за левата бековска позиција во пресрет на пријателскиот натпревар со Египет.

Соопштението на Бриџ гласеше: “Размислував долго и напорно околу мојата позиција во Англискиот фудбалски тим по извештаите и случувањата од последните неколку недели.”

“Секогаш ми било чест да играм за Англија. Но откако добро размислив верувам дека мојата позиција во состаовт е неодржлива и може да придонесе за поделеност во тимот.”

“Со големо жалење и за доброто на тимот со цел да се одбегнат одредени проблеми јас решив повеќе да не бидам на располагање за настап во репрезентацијата.”

“За мојата одлука денес го информирав селекторот. Му посакувам на имот се најдобро во Јужна Африка.”

Бидејќи Ешли Кол е повреден и ќе се врати дури кон крајот на сезоната, Капело со соочува со главоболки при пополнување на левата бековска позиција.

Стефан Ворнок од Астон Вила, Лејтон Бејнс од Евертон и Џолеон Лескот од Манчестер Сити се потенцијални кандидати за пополнување на левата страна во одбраната.

Powered by: 24 FUDBAL.com.mk