Шпанија | Според пишувањата на L’Equipe, Пол Погба му дал инструкции на својот агент да преговара со Барселона и Реал Мадрид...



22 годишниот Французин, кој е желба на неколку клубови, минатиот месец се сретна со првиот човек на ПСЖ, Насер Ал Келаифи во Монако.
 
Според денешното издание на L’Equipe, Пол Погба не е заинтересиран за преселба во Париз и му наредил на својот агент да ги заборави преговорите со ’Светците’.
 
Весникот пренесува дека репрезентативецот на ’Триколорите’ не е заинтересиран ниту за враќање во Премиерлигата, каде интерес пројавуаат Манчестер јунајтед, Манчестер сити и Челзи.
 
Пол Погба сака преселба во Шпанија, па му дал инструкции на Мино Раиола да преговара со Барселона и Реал Мадрид.
 
L’Equipe пишува дека двата клуба се подготвени да му понудат на Пол Погба пет годишен договор и плата од 10 милиони евра, но потенцира дека проблем има околку имиџ правата на играчот, Барса и Реал сакаат дел од спонзорските договори на фудбалерот.
 
Евентуалниот трансфер на Камп Ноу е дополнително комплициран поради забраната за трансфери што ја имаат ’Каталонците’.

Извор: 24FUDBAL.com.mk